ಜಾರಿದೆ ಮನಸ್ಸು ಮನಸ್ಸೊಳಗೆ

ಜಾರಿದೆ ಮನಸ್ಸು ಮನಸ್ಸೊಳಗೆ
ಹುಡುಕಿದೆ ಕನಸು ಕನಸೊಳಗೆ
ಬಯಸಿದೆ ನಿನ್ನ ಪ್ರೀತಿಯ ನಿನ್ನೊಳಗೆ
ಬೇಡಿದೆ ನನ್ನ ಪ್ರೀತಿಯ ನಿನ್ನ ಹೃದಯ ನನ್ನೊಳಗೆ ||ಪಲ್ಲವಿ||

ಸಾವಿರಾರು ಮಾತಿನ ಮೌನದಲ್ಲಿ
ಅರಳಿ ನಿಂತಿದೆ ಪ್ರೀತಿಯ ಸಾಗರ
ಏನಿರದ ನಿಶಬ್ಧದ ಅಲೆ ಅಲೆಯಲ್ಲಿ
ಸೃಷ್ಠಿಸಿದೆ ಸುಂದರ ಬದುಕಿನ ಚಿತ್ರಣ.

ಏಕಾಂತದಲ್ಲಿ ನಡೆಯುತ್ತಿದೆ ಮನಸ್ಸಿನ ಪಯಣ
ಆಗಸದಲ್ಲಿ ಬಣ್ಣ ಬಣ್ಣದ ವರ್ಣಮಯ ಪಯಣ
ಭೂಮಿಯಲ್ಲಿ ಸಾಗುತ್ತಿದೆ ಪ್ರೀತಿ ಪ್ರೇಮದ ಪಯಣ
ಈ ಹೃದಯಲ್ಲಿ ಅದೇ ತರ ಮಿಡಿತ ಅದೇ ತರ ಸಂಚಲನ

ಮೈಯಲ್ಲ ನವಿಲ ಗರಿಯ ಕಣ್ಣಾಗಿರಲು
ಹರುಷವೆಲ್ಲ ನಿನ್ನೊಡನೆ ಹಂಚಿಕೊಳ್ಳಲು
ಭಾವನೆಗಳೆಲ್ಲ ನಿನ್ನೊಡನೆ ಸಂಮಿಲನವಾಗಲು
ನಾ ಸದಾ ನಿನ್ನೊಡನೆ ಇರುವೆ ಸದಾ ನಿನ್ನವನಾಗಿ.